Dəyirman" Röya ilə duet oxuyacaq

[mahsum_]

Qrup solo konsert də verəcək.
Şou-biznes aləmində qrupların dağılması deyəsən, adi hala çevrilib. Gəzən şayiələrə görə, “Dəyirman”çıların arasında da ciddi söz-söhbət yaranıb. Qrupun üzvü Malik bizimlə söhbətində bu xəbərin şayiə olduğunu dedi. Repçinin dediyinə görə, “Dəyirman” səhnəni və sənəti tərk etmək niyyətində deyil.
“Azərbaycanda elə düşünürlər ki, əgər sənətçi sakit oturubsa, ya sənətdən gedib, ya da qrup dağılıb. Əksinə, bizim səsimiz gəlmirsə, deməli, nəsə böyük layihə hazırlayırıq, bomba partladacağıq”.
Layihə barədə ətraflı danışmaq istəməyən Malik sosial bəlaları, ictimaiyyəti narahat edən məsələləri repin dili ilə bir daha səsləndirəcəklərini dedi: “Bildiyiniz kimi, ”Dəyirman" sosial problemləri həmişə qaldırıb və bu istiqamətdə aparılan kampaniyalara dəstək verib. Ənənəmizi davam etdiririk və rep fanatlarına yeni kompozisiyalarımızı təqdim etməyə hazırlaşırıq. “Dəyirman” dağılmayıb, mən, Elmir və Mir Yusif çiyin-çiyinə çalışırıq, aramızda heç bir mübahisə baş verməyib".
Qrup üzvləri yaxın aylarda yeni proqram hazırlayıb rep həvəskarlarını konsert məkanlarından birinə də toplayacaq. Bundan əlavə, “Dəyirman”çılar Röya ilə birgə mahnı oxuyacaq. Estrada ilə repin sintezindən ibarət mahnı səsyazma studiyalarının birində lentə yazılır.

[Sindy]

Roya ne oxusa kimle oxusa gozeldir...