Fidan Qasımova

[Azerbaycanli]

Gözəl, ürəyəyatımlı lirik soprano səsi ilə tamaşaçıların rəğbətini qazanmış Fidan Əkrəm qızı Qasımova 17 iyun 1947 – ci ildə Bakıda anadan olmuşdur.

ADK-nın skripka (1971) və vokal şöbələrini 1972-ci ildə bitirib və həmin vaxtdan Moskva konservatoriyasında iki il aspirant-təcrübəçi olub. Oradan qayıdandan sonra, 1974-cü il-dən ADOBT-nin solistidir. Azərbaycan Respublikasının əməkdar artisti (9 yanvar 1978), xalq artisti (1 dekabr 1982), SSRİ-nin xalq artisti (1988) fəxri adları ilə təltiflənib.

Respublika Dövlət mükafatı laureatıdır (1984). Dünya şöhrətli müğənni kimi İtaliyada, Niderlandda, İsveçrədə keçirilən müxtəlif beynəlxalq müsabiqələrin laureatıdır. Solist-ifaçı kimi repertuarına Azərbaycan və dünya bəstəkarlarının kamera-vokal əsərləri daxildir. 1974-cü ildən ADK-da dərs deyir, 1990-cı ildən oranın professorudur.

Fidan Qasımova opera teatrında Nigarın ("Koroğlu"), Mikaellanın ("Karmen", Jorj Bize), Marqaritanın ("Faust", Şarl Quno), Sevilin və Gülüşün ("Sevil", Fikrət Əmirov), Çio Çio Sanın ("Çio Çio San", Cakomo Puççini), Tatyananın ("Yevgeni Onegin", Pyotor Çaykovski), Miminin ("Bohema", Cakomo Puççini), Dezdemonanın ("Otello", Cüzeppe Verdi) mürəkkəb partiyalarını yüksək sənətkarlıqla ifa edib. Yüksək səhnə mədəniyəti, zərif nıusiqi duyumu, incə zövqü var.

[Milady]

Xalq artisti adına layiqdir Fidan xanim.Azerbaycan'ın fexridir.
Teşekkürler movzu ucun.