Zamiqlə birgə verecəyi bölgələrdəki konserti hazırılığında olan müğənni Röya yaradıcılıq planına daha bir layihə əlavə edib.
Onun bildirdiyinə görə, iyun ayında Yaşıl Teatrda solo konserti keçiriləcək.
İyunun 14-də Röyanın adı günü olduğundan sənətçi konsertin tarixini həmin günə təyin edib.
Amma o, bir yox, iki günlük proqramla çıxış etmək niyyətindədir:
«Əslində, konsert üçün planlarımız genişdir. Amma gerçəyə yaxınlaşandan sonra bu barədə danışa bilərəm.
Yalnız onu deyə bilərəm ki, konsert səhnədə yalnız qadınlar olacaq.
Proqram estrada mahnıları üzərində qurulduğundan, musiqiçiləri toplamaqa bir qədər çətin olacaq.
Çünki milli musiqiçilərdən fərqli olaraq, estrada da qadın ifaçıları çox ay saydadır.
Amma bunu bacaracağıma əminəm.
Eyni zamanda mənimlə birlikdə səhnəni bir neçə müğənni paylaşacaq ki, bunlar da xanımların arasından seçiləcək».
Röya bölgələr üçün nəzərdə tutulan konsert layihəsinin də həllinə yaxınlaşdığını bildirdi.
Bölgələrin adı dəqiqləşsə də, bəzi məsələlər tam həllini tapmayıb.
«Bilirsiniz ki, bu layihə tam təmannasız olaraq həyata keçirilir.
Yəni, əvvəlcədən sponsor tapıb proqram qurmamışıq. Bunun üçün bizə həm fiziki, həm də maddi güc lazımdır.
Bu səbəbdən də layihə 3 ay müddətinə nəzərdə tutulub və bu müddətdə həmkarım Zamiq və mən bir neçə bölgələrdə çıxış edə biləcəyik» - deyə Röya bildirdi.
Yer imleri