“Eurovision-2010” mahnı müsabiqəsi ilə bağlı Rusiya mətbuatında yayılan bukmeyker hesablaması maraqlı nəticə ortaya çıxarıb.
Builki müsabiqənin favoriti sayılan Azərbaycana ən ciddi rəqib ölkə Ermənistan hesab olunur.
Hesablamalara görə, Azərbaycan 23.5%-lik səsvermə ilə birinci yeri tutur. Ermənistan isə 20.5% səsvermə ilə güclü rəqib kimi ikinci yerdədir.
Üçüncü güclü rəqib Ukrayna sayılır. Onun ardınca Türkiyə, sonra Rusiya gəlir.
Ev sahibi Norveç isə bu il favoritlər siyahısına daxil ola bilməyib.
Qeyd edək ki, bu il “Eurovision-2010”da 39 ölkə mübarizə aparacaq.
Müsabiqəsevərlərin fikrincə, bu ilin ən ümidsiz ölkələri Xorvatiya, Sloveniya və Makedoniya hesab olunur.
Səfurə Əlizadə klip çəkilişi zamanı hovuzda boğulurmuş
Gələn ay Norveçin paytaxtı Osloda keçiriləcək “Eurovision-2010” mahnı müsabiqəsində Azərbaycanı təmsil edəcək Səfurə Əlizadə ifa edəcəyi “Drip drop” mahnısının klip çəkilişləri zamanı ölüm təhlükəsi ilə üzləşib. APA-nın təmsilçinin rəsmi internet saytına istinadən yaydığı məlumata görə, klipin müəyyən səhnələrinin çəkilişi ötən həftə sonu Kiyevdə beş ulduzlu oteldə baş tutub.
Ancaq bu çəkilişlər Səfurə Əlizadəyə baha başa gəlib. Müğənni hovuzda aparılan çəkilişlər zamanı boğulmaq təhlükəsi ilə üz-üzə qalıb. Hadisəni şərh edən Səfurə Əlizadə üzə bilmədiyini deyib: “Amma klipdə yer alacaq bir neçə səhnənin çəkilişi üçün hovuzda səkkiz saat qalmalı oldum və qəflətən boğulmaq təhlükəsi ilə rastlaşdım. Bu anı heç zaman unuda bilməyəcəyəm. Şoka düşmüşdüm. Məni təhlükədən qurtardığına görə, bütün yaradıcı heyətimizə minnətdarlıq bildirirəm. Yoxsa həyatımı itirə bilərdim”. Klipin rejissoru Rupert Ueynrayt bu hadisədən sonra Səfurə Əlizadənin ilk sözünün “mən hazıram, bu səhnəni bir daha çəkək” olduğunu bildirib: “Mən çox təəccübləndim, inana bilmirdim ki, Səfurə bu şokdan dərhal sonra çəkilişlərə davam etməyi istədi. Çoxsaylı sənətçilər bu təhlükədən sonra çəkilişdən imtina edərdi, ancaq Səfurə davam etmək istədiyini dedi. Səfurə hələ gəncdir, ancaq güclüdür. Onun uğur qazanacağına əminik”.
Hazırda Avropa turnesində olan “Eurovision-2010” təmsilçimiz Safura Əlizadə hər olduğu ölkədə zooparkları ziyarət etməyə çalışır.
Müğənninin şəxsi saytına istinadən verilən məlumatına görə, bu dəfə o, Berlin zooparkını ziyarət edib.
Təmsilçimiz Avropanın ən məşhur zooparkı olan “Zoologischer Garten Berlin” də olub, heyvanları əzizləyib.
Qeyd edək ki, zoopark 1844-ci ildə açılıb, 35 hektar ərazisi var. Burada 1500-ə yaxın fərqli heyvan saxlanılır. Onların ümumi sayı 16 minə çatır.
İki həftədən sonra Norveçin paytaxtı Osloda keçiriləcək 55-ci “Eurovision-2010" mahnı müsabiqəsinin Azərbaycan üzrə rəsmi fan-klubu olan “Ogae Azerbajian”nın rəsmi saytı fəaliyyətə başlayıb.
Fan-klubun internet ünvanı [ -dır.
Hal-hazırda yalnız inglis dilində fəaliyyətə başlayan rəsmi sayt yaxın günlərdə Azərbaycan və rus dilində işini davam etdirəcək.
Məlumat üçün bilidirək ki, sayt yüksək səviyyədə hazırlanıb və gözəl üslubda tərtib olunub. Saytın səhifələrində Azərbaycanın tarixi haqqında məlumatları və “Eurovision-2010” xəbərlərini öyrənmək olar. Burada həmçinin təmsilçi Səfurə Əlizadənin mahnılarını dinləmək və fotosessiyasını izləmək mümkündür.
Yer imleri