Elif Nickli Üyeden Alıntı
Dırnaq göbələyi asanlıqla dırnağın altına girərək çoxalmağa başlayır.
“Onikomikoz” adlandırılan dırnaq göbələyi infeksiyası “dermatofit” adlı orqanizmlər vasitəsilə əmələ gəlir və yoluxucu xəstəlikdir. Dırnaq göbələyi xəstəliyinin əlamətləri bunlardır: ayaqda xoşagəlməz iy əmələ gəlir, dırnaqlarda sarı, yaşıl və ya qəhvə rəngli ləkələr görünür, dırnaqlar öz-özünə pulcuqlanır. Bu xəstəlik daha çox xroniki xarakter daşıyır. Dırnaq göbələyi asanlıqla dırnağın altına girərək çoxalmağa başlayır. Zədələnmə, əl və ayaq dırnağına sərt cismin dəyməsi, ayaq dırnağının basılması, dırnaqların çox dibdən kəsilməsi, ucu sivri ayaqqabılar da dırnaq göbələyini əmələ gətirir. İnfeksiyaya səbəb olan göbələklər əsasən nəmli yerlərdə olur. Geyinib-soyunma otaqları, üzgüçülük hovuzları, ortaq istifadə edilən duş və vannalar, manikür və ya pedikür alətləri göbələk xəstəliyinin yayılması üçün əsas mənbədir. Dırnaq göbələyi öz-özünə sağalmır, mütləq həkimə müraciət etmək lazımdır. Çünki həkim ayaq dırnağında olan göbələyin yaşadığı və inkişaf etdiyi yeri müəyyənləşdirməklə müalicəyə başlayır. Ayaq dırnağının müalicəsi 3 ay, əl dırnağındakı göbələyin müalicəsi isə 2 ay çəkir.
Mütəxəssislər dırnaq göbələyindən qorunmaq üçün aşağıdakıları tövsiyə edirlər:
1. Ayaqlarınızı təmiz və quru saxlayın.
2. Ayaq dırnaqlarınızı barmağın ucunu keçməmək şərti ilə düz kəsin.
3. Manikür və pedikür üçün sterilizə edilmiş alətlərdən və ya ən yaxşı halda öz alətlərinizdən istifadə edin.
4. Ayağınızın ölçüsünə uyğun, burnu sivri olmayan ayaqqabılar geyinin.
5. Ayaqlar çox tərlədiyindən və nəmli qaldığından corablarınızı tez-tez dəyişin.
Dırnaq göbələyinə yoluxma riski yüksək olanlar:
1. Diabetli xəstələr.
2. İmmunitet çatışmazlığı və ya qan dövranı problemi olanlar.
3. 65 yaş və ya daha yuxarı olanlar.
4. Ayaq dərisində göbələk infeksiyası olanlar.
5. Ayaqları çox tərləyən və ya davamlı olaraq nəmli qalanlar.
6. Atletlər, rəqqaslar, ağırlıqqaldıranlar.
Yer imleri