Ay Aygün bu günorta vaxti özüne iş tapmisan??? indi men o yemekden istiyirem neyniyim??? ela görünür
Yeni reseptle qarşınızdayam. Heyvalı və Zəfəranlı Toyuq resepti - Heyvalı ve zeferanlı toyuq resepti. Nuş olsun!
Ərzaqlar
6 porsiya üçün nəzərdə tutulub
4 ədəd orta boy heyva (təxminən 1 kq)
6 qaşıq duru yağ
2 çay qaşığı zəfəran teli
1.5 kq kiçik parçalara bölünmüş sümüksüz toyuq əti (mən sümüksüz bud əti alıram, döş əti ilə də ola bilər)
1 ədəd doğranmış orda boy baş soğan
0.5 stəkan suda həll olunmuş 2 xörək qaşığı tomat
10 ədəd quru qavalı
zövqə görə duz
zövqə görə istiot
Hazırlanma qaydası
1. Zəfəran tellərini həvəngdəstə vasitəsiylə döyün və toz halına gətirin. Bir-iki xörək qaşığı isti suda həll edin.
2. Heyvanın qabığını soymadan dilimləyin. Dilimlər orta qalınlıqda olmalıdır.
3.Tavada yağı qızdırın və heyvaları əlavə edib arada qarışdıraraq təxminən 5 dəqiqə ərzində qızardın. Sonra zəfəran dəmini əlavə edib 5 dəqiqə də bişirin. Arada qarışdırın ki, heyva zəfəranı çəksin. Kənara qoyun.
3. İri tavada qalan yağı qızdırın və toyuğu əlavə edərək təxminən 5 dəqiqə ərzində bişirin.
4. Sonra bu tavaya soğanı əlavə edin və birlikdə 6-7 dəqiqə bişirin. Toyuq sulanmağa başlayanda, suda həll olunmuş tomatı əlavə edin. 10-15 dəqiqə, tavanın suyu çəkilib bir qədər qatılaşana qədər bişirin. Bu mərhələdə toyuq hardasa bişmiş, amma tamamilə bişmiş olmamalıdır.
5. Toyuğa heyvaları və quru gavalını əlavə edin. Zövqə görə duz və istiot vurun. Vam odda, qapağı örtülü, toyuq və heyva yumuşalana qədər (heyva diri qalmalıdır) bişirin.
Ay Aygün bu günorta vaxti özüne iş tapmisan??? indi men o yemekden istiyirem neyniyim??? ela görünür
Yaşamaq istəyirsənsə, hərəkət et. Süküt ölümdür
Yer imleri