“Google Translate” sisteminə Azərbaycan dili əlavə olunub
“Google” şirkətinin onlayn-tərcümə sistemi – “Google Translate” proqramı öz potensialını genişləndirib.
Rabitə və İnformasiya Texnologiyaları Nazirliyinin verdiyi məlumata görə, “Google Translate” proqramına beş dil- Azərbaycan, gürcü, erməni, bask və urdu dilləri əlavə olunub.
Bundan sonra istifadəçilər proqram vasitəsilə mətnləri həm Azərbaycan dilindən, həm də Azərbaycan dilinə tərcümə edə biləcəklər. “Google Translate” sistemində cəmi 57 dil təqdim olunur.
Qeyd etmək lazımdır ki, “Google” öz sistemində Azərbaycan dilinin dəstəklənməsini ALPHA versiyada təqdim edib. Bu isə o deməkdir ki, tərcümə imkanları getdikcə təkmilləşdiriləcək. Hazırda sistem sadə sözləri rahat tərcümə edir, lakin mətnin tərcüməsi hələ işlənilməlidir.
Yer imleri