Bakıda tezliklə möhtəşəm stadion inşa olunacaq. Bu barədə iki gün öncə gənclər və idman naziri Azad Rəhimov məlumat verib. Onun sözlərinə görə, Böyükşor qəsəbəsində tikiləcək stadion 60 min tamaşaçı tutumuna malik olacaq.
Hazırda həmin ərazidə neft gölməçələri qurudulur, qum tökülür. Rəhimov inşaat işlərinin başlanacağı tarix barədə açıqlama verməyib. Lakin tikintinin Dövlət Neft Şirkəti tərəfindən həyata keçiriləcəyi dəqiqdir. Tamaşaçıların oyunu rahat izləmələri üçün tribunaların üzərində dam tikiləcək. Stadionun yanında Hovuz Kompleksi də olacaq.
Yer imleri