Emin Quliyevə beş oyunluq cəza

[Elif]

“Xəzər-Lənkəran”ın yarımmüdafiəçisi Emin Quliyev UEFA tərəfindən ağır cəzaya məruz qalıb.

Qitə futbol qurumunun Nizam-İntizam Komitəsi Quliyevi beş oyunluq cəzalandırıb.
30 yaşlı futbolçu Çempionlar Liqasının birinci təsnifat mərhələsində Xorvatiyanın “Dinamo” klubu ilə Bakıda keçirilən görüşdə rəqibi vurduğu üçün birbaşa qırmızı vərəqə alaraq, meydançadan qovulub. Qarşılaşmanın israilli baş hakimi Meyr Levi Emini rəqibi qəsdən vurmaqla yanaşı, onun üzünə tüpürdüyünü də protokolda qeyd edib. Bu səbəbdən UEFA-nın Nizam-İntizam Komitəsi futbolçunu ən böyük cəzaya məruz qoyub. O, “Dinamo” ilə bu gün Xorvatiyada keçiriləcək cavab görüşü ilə yanaşı, bundan sonra iki mərhələ oyunlarını da buraxacaq. “Xəzər-Lənkəran” Çempionlar Liqasında mübarizəni ilk mərhələdə dayandırsa və ya Emin Quliyev başqa kluba keçsə belə, futbolçunun qitə miqyaslı yarışlarda cəzası növbəti mövsümlərdə də qüvvədə qalacaq. Xatırladaq ki, bu komandalar arasında bir həftə əvvəl Bakıda keçirilən matç 1:1 hesablı heç-heçə ilə sona çatmışdı.

[ShulikBoy]

pis xeberdi