Azərbaycan-Ermənistan oyunu başa çatdı: 4-0

[
Rusiyanın Sank-Peterburq şəhərində keçirilən “Birlik Kuboku” turnirinin ¼ final mərhələsinə start verilib. İlk olaraq Azərbaycan çempionu “İnter” və Ermənistan təmsilçisi “Mika” yarımfinala vəsiqə uğrunda mübarizəya başlayıblar.

***
Oyunun 30-cu dəqiqəsində Azərbaycan çempionu "İnter"in künc zərbəsindən sonra hesab açılıb. Peta Zlatinovun yerinə yetirdiyi künc zərbəsindən sonra Volodomir Levin baş zərbəsi ilə hesab komandamızın xeyrinə dəyişilib.

Oyunda artıq ikinci qol vurulub. Təmsilçimiz "İnter"in üzvü Git Karlsons oyunun 35-ci dəqiqəsində hesabı komandamınızın xeyrinə dəyişib: 2-0

***

Oyunun 51-ci dəqiqəsində "İnter"in üzvü Dmitri Kruqlov qol vuraraq, hesabı komandımızın xeyrinə dəyişib: 3-0.

***

Oyunun 60-cı dəqiqəsində Git Karlsons özünün ikinci, komandasının isə dördüncü qoluna imza atıb.

Matç 4-0 hesabı ilə Azərbaycan çempionunun qələbəsi ilə yekunlaşıb. "İnter" bu qələbə sayəsində "Birlik Kuboku"nda yarımfinala vəsiqə qazanıb. Ynavarın 21-dı baş tutacaq yarımfinal görüşündə "İnter"in rəqibi "Zenit" - HİK oyununun qalibi ilə görüşəcək.

Sankt-Peterburq şəhərində ”İnter” – “Mika” oyunun keçirildiyi İdman Kompleksinə “İnter”lə yanaşı “Xəzər Lənkəran” və ”Neftçi” kimi Azərbaycan klublarının azarkeşləri də təşrif buyurub. Stadionda ümumilikdə 1000-ə yaxın həmyerlimiz “İnter”ə dəstək olub.

Xatırladaq ki,”İnter” qrup mərhələsində keçirdiyi 3 qarşılaşmada 3 qələbə qazanıb. Çempionumuz bu oyunlarda rəqib qapılarına 7 qol vurub, öz qapısında isə qol görməyib.ANSPRESS