Beynəlxalq Azərbaycan Məktəbində bomba həyəcanı

[kombat80]

İyunun 1-də Beynəlxalq Azərbaycan Məktəbinin şagirdləri dərsə buraxılmayıb. Səbəb məktəbə bomba təhdidi ilə məktubun daxil olmasıdır.
Bakıdakı Qərb ölkələri səfirliklərindən birinin diplomatı «Azadlıq» radiosuna deyib ki, səhər onun uşaqları məktəbə buraxılmayıb. Bunun səbəbini öyrənmək istəyən sürücüyə və diplomatın məktəb rəhbərliyi ilə əlaqə saxlayan xanımına bildirilib ki, tədris müəssisəsində fövqəladə vəziyyətdir. Bu addımın atılması terror təhdidi ilə bağlıdır. Diplomatın ailəsinə deyilib ki, artıq məsələ aydınlaşdırılır, sabah hər şey yoluna qoyulacaq.
Başqa bir səfirlikdəki mənbə isə, məktəbə təhdidin e-maillə gəldiyini bildirib. Bu ailəyə də ertəsi gün tədrisin həmişəki qaydada cədvəl üzrə davam edəcəyi deyilib.
Beynəlxalq Azərbaycan Məktəbinin yerləşdiyi Yasamal rayonunun Polis İdarəsi və Daxili İşlər Nazirliyinin mətbuat xidmətindən isə «Azadlıq» radiosuna bildiriblər ki, hadisə ilə bağlı onlarda məlumat yoxdur.
Beynəlxalq Azərbaycan Məktəbində 500-ə yaxın şagird təhsil alır. Bunlar əsasən xarici neft şirkətlərində çalışanların və diplomatların uşaqlarıdır

[fidan494]

yavash - yavash elden gedirik terroristler ish bashinda