Türkiyə Xəbərləri

**yeshu** · 11-01-2007, 11:48 AM

Türkü ölüdürən skinxedlərə 9 il həbs verildi

Moskvada Türkiyə vətəndaşını öldürən iki skinxedə məhkəmə 9 illik həbs cəzası kəsib. Hökm bu gündən qüvvəyə minir.

Belə ki, 2005-ci ilin 27 noyabr tarixində 16 yaşlı skinxedlər "Moskviç" futbol stadionunun yaxınlığında Volqoqrad prospektində iki Türkiyə vətəndaşına hücum edərək döymüşdülər. Onlardan biri aldığı xəsarətdən ölmüşdü.
Bu gün məhkəmə qərarı ilə hər iki skinxedə cəzalarını islah kaloniyasında çəkməkşərti ilə 9 il cəza verib. Moskova prokurorluğu mətbuat xidmətinin verdiyi məlumata görə, bundan əlavə, türk tərəfinə 24 min 207 rubl mənəvi ziyan ödəniləcək.

QayNar:

**yeshu** · 11-01-2007, 04:37 PM

Türkiyə PKK-nı dəstəkləyənlərə qarşı sanksiyalara keçir

Türkiyə kürd separatçı PKK qruplaşmasına bağlı olanlara qarşı iqtisadi sanksiyalara başlayıb. Türkiyə hökuməti elan edib ki, bu tədbirdən məqsəd separatçıları zəiflətməkdir.

Lakin bir sıra müşahidəçilər bildirirlər ki, bu tədbirlər kürdlərin Şimali İraqdakı muxtariyyətini zəiflədə bilər.

Türkiyə tərəfi “sanksiya” sözünü işlətməsə də, bəlli olub ki, bu tədbirlər PKK döyüşçüləri ilə hər hansı bağları olan şirkət və fərdlərə qarşı yönələcək.

Bu da xəbər verilmir ki, İraqdakı kürd hökuməti bu sanksiyaların hədəfi olacaq, ya yox.

Əgər İraqda Amerikanın ən sədaqətli müttəfiqi olan kürdlər hədəf edilsə, onda Vaşinqtonun İraqda azsaylı iqtisadi uğurlarından biri sayılan bu sakit region problemlərlə üzləşəcək.

Türkiyə baş nazirinin müavini Cəmil Çiçək deyib ki, hərbi, diplomatik və iqtisadi tədbirlər eyni vaxtda yeridiləcək.

İraq Kürdüstanı ərzaq baxımından Türkiyədən son dərəcə asılıdır. Türkiyə bu bölgəyə investisiyalar yatırır, buralarda işlənən elektrikin 10 faizini verir.

Təsdiq olunmamış xəbərlərə görə Türkiyədən bu bölgəyə kommersiya uçuşları artıq dayandırılıb, investorlar isə planlarını təxirə salıblar.

Cəmil Çiçək deyib ki, sanksiyalar günahsız adamlara ziyan gətirməyəcək şəkildə yeridiləcək.

BBC

**yeshu** · 11-01-2007, 04:45 PM

Ərdal İnönü vəfat etdi

Türkiyənin 2-ci Prezidenti İsmət İnönünün oğlu Ərdal İnönü müalicə olunduğu Amerikanın Hyuston şəhərində 81 yaşında vəfat edib.

Verilən məlumatlara görə, İnönü dünən Türkiyə saatı ilə 05:00-da dünyasını dəyişib. Keçən il Hyustonda yerləşən M. D. Anderson Onkoloji Mərkəzində müalicə olunduqdan sonra Vətənə dönən Ərdal İnönü xəstəliyinin yenidən kəskinləşməsi səbəbilə 27 avqustda yenidən ABŞ-a qayıtmışdı.

Ərdal İnönü 1926-cı ildə doğulub. Ankara Universitetinin fizika fakültəsini bitirib. ABŞ-ın Kaliforniya Texniki Universitetində doktorluq elmi dərəcəsi alıb. Ankara Universitetində, Orta Doğu Texniki Universitetində və Boğaziçi Universitetində elmi fəaliyyətlə məşğul olduqdan sonra 1983-cü ildə Sosial Demokrat Partiyasını (SODEP) quraraq, siyasətə girib. SODEP-lə Xalqçı Partiyanın birləşməsi ilə yaranan Sosial Demokrat Xalqçı Partiyasının (SHP) lideri olub. Üç dəfə millət vəkili seçilib. 1991-1995-ci illərdə Baş nazirin müavini və xarici işlər naziri vəzifələrində çalışıb.

Zaman

**yeshu** · 11-01-2007, 04:47 PM

İran-İraq: “Türkiyəyə kömək etməliyik”

İranın xarici işlər naziri Mənuçöhr Mutteki dünən gözlənilmədən İraqa səfər edib. O, səfər çərçivəsində İraqın xarici işlər naziri Hoşyar Zəbari ilə görüşüb. Danışıqlardan sonra təşkil olunan mətbuat konfransında jurnalistlərin suallarını cavablandıran nazirlər Türkiyənin Şimali İraqa müdaxilə məsələsinə də toxunublar. Mutteki Türkiyəni terrorla mübarizə məsələsində dəstəklədiklərini deyib: “Terrorla mübarizənin Türkiyənin əsas prinsiplərindən biri olduğunu bilirik və bunu dəstəkləyirik. Dünya ictimaiyyəti də bu məsələdə Türkiyəyə yardımçı olmalıdır. Bizim də Türkiyənin qonşusu olaraq, ona kömək etməyimiz vacibdir. Eyni zamanda, xüsusilə, Amerika məsələyə daha ciddi yanaşmalıdır”.

Zəbari isə İraq hökumətinin heç bir silahlı təşkilatın onun torpaqlarında fəaliyyət göstərməsinə icazə verməyəcəyini bildirib: “Hökumətimiz belə silahlı qruplaşmaların qonşularımıza zərər verməsini qəbul etmir. İstanbulda keçiriləcək İraqa qonşu ölkələrin toplantısının çox vacib olduğunu düşünürəm. Çünki bu tədbirdə əsasən terror mövzusu müzakirə ediləcək”.

Zaman

**yeshu** · 11-02-2007, 12:22 PM

Türkiyə hava sərhəddini Şimali İraqın üzərindən uçan təyyarələrin üzünə bağlayıb

Rəsmi Ankara bu qərarı İraqa iqtisadi təzyiq tədbirləri paketi çərçivəsində qəbul edib

PKK terrorçularına qarşı genişmiqyaslı plan hazırlayan Türkiyə öz hava sərhəddini Şimali İraqın üzərindən uçan təyyarələrin üzünə bağlayıb. Verilən məlumata görə, rəsmi Ankara bu qərarı İraqa iqtisadi təzyiq tədbirləri paketi çərçivəsində qəbul edib. Rəsmi orqanlar isə bu xəbəri təsdiqləməyib.

Türkiyənin xarici işlər naziri Ali Babacan isə təşkil etdiyi mətbuat konfransında Şimali İraqa qarşı tətbiq edilən sanksiyaların ictimaiyyətə açıqlanmayacağını bildirib və əlavə edib ki, nəzərdə tutulan sanksiyalardan bəziləri artıq tətbiq edilməyə başlanılıb. Türk hava məkanının Şimali İraqın üzünə bağlanılması ilə əlaqədər verilən suala cavab olaraq Ali Babacan bildirib ki, Türkiyənin sanksiyalar tətbiq edə biləcəyi sahələr çox genişdir. Bundan başqa A. Babacan bu tədbirlərin İraq xalqına qarşı yönəlmədiyini bildirib və əlavə edib ki, bu terror təşkilatı PKK-ya və onu xaricdən dəstəkləyənlərə qarşı yönəlib.

ANS

**yeshu** · 11-02-2007, 12:32 PM

Kondaliza Rays bu gün Türkiyəyə gəlir

Ankarada Kondaliza Raysın ölkəyə səfərinə bir gün qalmış etiraz aksiyası keçirilib
Birləşmiş Ştatların dövlət katibi Kondaliza Raysın bu gündən Türkiyəyə səfəri başlayır.

Amerika rəsmisi Türkiyə səfəri zamanı rəsmi Ankaranı İraqın şimalında hərbi əməliyyatlar keçirmək fikrindən daşındırmağa çalışacaq. Rəsmi Vainqton İraqın ən sabit bölgəsində keçiriləcək hərbi əməliyyatların burada ümumi vəziyyətə mənfi təsir edəcəyini iddia edir.

Ankarada Kondaliza Raysın ölkəyə səfərinə bir gün qalmış etiraz aksiyası keçirilib. Təxminən 100 nəfər aksiya iştirakçısı Raysın şəklinə daş və dəmir parçaları atıblar. Aksiya aştirakçıları xanım Raysı istefaya getməyə çağıran şüarlar da səsləndiriblər.

Məlumata görə, Türkiyə vətəndaşları Birləşmiş Ştatları PKK məsələsində hərəkətsizliyinə görə qınayıblar. Yürüş iştirakçıları Birləşmiş Ştatlarla diplomatik münasibətlərin pisləşməsi bahasına da olsa İraq sərhəddində əməliyyat keçirilməsini istəyiblər.

İstanbul şəhərindəki ABŞ konsulluğu qarşısında da analoji aksiya təşkil olunub. Etirazçılar «Rays, qanlı əllərini Türkiyədən çək!» şüarları səsləndiriblər.

ANS Press / © 2007 Bütün hüquqlar qorunur.

**yeshu** · 11-02-2007, 07:46 PM

Corc Buş Rəcəb Tayyib Ərdoğanla görüşü səbirsizliklə gözlədiyini deyib

ABŞ prezidenti Corc Buş Türkiyənin baş naziri Rəcəb Tayyib Ərdoğanla görüşündə PKK terror təşkilatına qarşı mübarizədə əməkdaşlıq məsələlərinin müzakirə olunacağını bildirib.

APA-nın Türkiyə bürosunun xəbərinə görə, C. Buş Vaşinqtonda jurnalistlərə açıqlamasında deyib: “Bu vacib mövzunu müzakirə etmək və dağlıq ərazidən gələnlərin türk əsgərlərinə zərər verməsinin qarşısını almaq üçün hansı addımları ata biləcəyimizi müəyyənləşdirmək üçün baş nazir Ərdoğanın gəlişini gözləyirəm. Çox yaxşı və konkret danışıqlarımız olacaq. Müttəfiqlər məhz bu cür davranmalıdır. Onunla oval ofisdə görüşü səbirsizliklə gözləyirəm”.

APA

**yeshu** · 11-05-2007, 01:52 PM

Xalq artisti Zeynəb Xanlarova İstanbulda möhtəşəm konsert verib

Türkiyənin İstanbul şəhərində yerləşən Bostancı Gösteri Mərkəzinin böyük salonunda Azərbaycanın xalq artisti Zeynəb Xanlarova konsert verib.

«Palmali» Şirkətlər Qrupunun sponsorluq etdiyi konsert anşlaqla keçib. Konsertdə Azərbaycan və Türkiyə bayraqları dalğalanıb. Konsertin təşkilatçısı Emin Nahidoğlunun sözlərinə görə, xalq artistinin növbəti konserti noyabrın 6-da Dənizli şəhərində baş tutacaq.

ANS PRESS

**yeshu** · 11-05-2007, 01:55 PM

Qalatasaray növbəti qarşılaşmada liderliyini qoruya bilib

Qaziantepsporla qarşılaşan komandanın oyunu 1-1 hesabı ilə başa çatıb
Türkiyə Superliqasının növbəti turunda lider Qalatasaray Qaziantepsporun qonağı olub. Qalatasaray bu matçda çətinliklə də olsa məğlubiyyətdən canını qurtarıb. Oyun 1-1 hesabı ilə başa çatıb.

ANS Press

**yeshu** · 11-05-2007, 01:57 PM

Türkiyənin əskinasları yenidən dəyişiləcək

Yeni pulların adı “YTL” yox, sadəcə lirə olacaq

Türkiyədə uzun illər boyu xroniki infilyasiya nəticəsində bol sıfırlı hala gələn türk lirəsi 1 yanvar 2005-ci ildən etibarən yerini “Yeni Türk Lirəsi”nə (YTL) verib.

2009-cu il yanvarın 1-dən etibarən isə YTL yenidən “Türk Lirəsi” ilə əvəzlənəcək. Yeni lirənin əskinası üçün Türkiyədə müsabiqə elan ediləcək. Hazırlanacaq olan əskinaslar da bu müsabiqənin nəticəsində müəyyənləşəcək.

ANS PRESS