Hz.Süleymanın dişi qarışqanı anlaması



"Nəhayət, onlar qarışqa vadisinə gəlib çatdıqda bir qarışqa dedi: "Ey qarışqalar! Yuvalarınıza girin ki, Süleyman və ordusu özləri də bilmədən sizi basıb əzməsinlər!"" ("Nəml" surəsi, 18).
Yuxarıdakı ayə belə izah edilə bilər

Dişi qarışqa vadiyə gələnlərin Hz.Süleymanın ordusu olduğunu anlamaqdadır. Burada çox şüurlu bir tanıma var. Bu vadidə olan qarışqaların öz aralarında danışması, ətraflarında baş verən hadisələri tam olaraq bilməsi fərqli bir cəmiyyət olacaqlarına işarə ola bilər. Bu şüurlu davranış sözügedən canlıların cin olma ehtimalını ağıla gətirir (Doğrusunu Allah bilir).



"Göylərdə və yerdə olan canlılar, hətta mələklər belə heç bir təkəbbür göstərmədən Allaha səcdə edərlər! Onlar öz üstündə olan Rəbbindən qorxar və özlərinə buyurulanları edərlər!" ("Nəhl" surəsi, 49-50).

Qeyd etmək lazımdır ki, burada hər hansı qarışqadan bəhs edilmir. "Qarışqa vadisi" deyilən xüsusi bir yerə və qarışqalara diqqət çəkilir. Bu da sözügedən canlıların cin olma ehtimalını qüvvətləndirir:

"(Süleyman qarışqanın) bu sözündən gülümsəyib dedi: "Ey Rəbbim! Mənə mənim özümə və ata-anama ehsan buyurduğun nemətə şükr etmək, Sənin razı qalacağın yaxşı iş görmək üçün ilham ver! Və məni Öz mərhəmətinlə saleh bəndələrinin zümrəsinə daxil et!"" ("Nəml" surəsi, 19).

Hz.Süleymanın qarışqaların öz aralarındakı danışığını eşitməsində də axırzamanda kompüter texnologiyasında əldə ediləcək irəliləyişlərə yönəlik bəzi diqqətçəkici işarələrin olması mümkündür.

Müasir dövrdə "Silikon vadisi" termini texnologiya dünyasının mərkəzini ifadə edir. Hz.Süleyman qissəsində də bir qarışqa vadisindən bəhs edilməsi son dərəcə diqqətəlayiqdir. Allah bu ayə ilə bəlkə də axırzamanda yaşanacaq yüksək bir texnologiyaya diqqət çəkir.



1950-ci illərdə Amerika akademiklərinin elm və təcrübələrini bir araya gətirib dünya bazarına girmək istəyi ilə yaradılan və 4000 km-lik bir sahəni tutan Silikon vadisi Kaliforniyadakı Stenford Universitetinin rəhbərliyi ilə qurulub. Burada dünyanın dörd bir yanında elm, informasiya və yüksək texnologiya üzərində işləyən 8000 şirkət toplanıb. 300.000-ə yaxın yüksək ixtisaslı kadr, alim, mühəndis və tədqiqatçı yüksək texnoloji məhsulların inkişaf etdirilməsi üçün burada çalışır, texnologiya sahəsində baş verən inkişafın böyük bir hissəsi burada həyata keçirilir.10


Onu da qeyd etmək lazımdır ki, hal-hazırda qarışqalardan və bəzi həşəratlardan yüksək texnologiya sahəsində geniş istifadə edilir. Bu canlıların nümunə olaraq götürülməsi yolu ilə istehsal edilən robot layihələri müdafiə sənayesindən texnologiya sahəsinə qədər və başqa bir çox yerlərdə xidmət göstərir. Ayədə bu inkişafa da işarə edilə bilər.
(harun yahya Həzrəti Süleyman)

10 [ National Geographic Türkiye, Aralık 2001