BARMAQ İZİ



Quranda insanları ölümündən sonra diriltmənin Allah üçün çox asan olduğu bildirilərkən insanların xüsusilə barmaq uclarına diqqət edilir: ''Bəli, biz onun barmaqlarını da düzəltməyə qadirik'' (''Qiyamət'', 75/4).

Ayədə barmağın vurğulanması son dərəcə hikmətlidir. Çünki bütün insanların barmaq izləri tamamilə özlərinə xasdır. Yer üzərində yaşayan hər insanın barmaq izi digərininkindən fərqlənir. Bundan başqa, tarix boyunca yaşamış insanların barmaq izləri də bir-birindən fərqlidir.

Bu səbəbdən, barmaq izi hər kəs üçün bir növ ''şəxsiyyət vəsiqəsi'' sayılır və bütün dünyada bu məqsədlə istifadə edilir.

Ancaq mühüm olan barmaq izinin özünəməxsusluğunun ancaq XIX əsrin axırlarında kəşf edilmiş olmasıdır. Ondan əvvəl insanlar barmaq izini heç bir xüsusiyyəti və mənası olmayan cizgilər kimi qəbul etmişlər. Fəqət, Quranda o dövrdə heç kimin diqqətini çəkməyən barmaq izlərindən bəhs olunur və bu izlərin ancaq zamanımızda qeyd edilən əhəmiyyətinə diqqət yetirilir.
(harun yahya Allah ağılla bilinir)