William Şekspirdən 3 Sonet ...

[GLAMOURKA]

Eşqim gözlərimi dəyişib, nədir?
Həqiqəti yalan göstərir onlar.
Yoxsa ağlım məni tərk etməkdədir,
Çıxarır səhv qərar, verir səhv qərar.

Gördüyüm gözəlsə, nədir şübhələr,
Niyə inanan yox bəs məndən qeyri?
Həyat könül açan deyilsə əgər,
Demək, yalnış görür eşqin gözləri.

Axı necə görüm mən düzü düztək.
Göz yaşı gözümü tutmuş, bağlamış.
Hiyləgər məhəbbət, aydındır kələk,
Günəş də tutulur yağanda yağış.

Mənə tökdürdüyün göz yaşıyla sən
Çirkin əməlini pərdələyirsən.


Ağıl məhəbbətdən yaranır fəğət
Məhəbbət dərk etmir ağlın sözünü.
Açıb qüsurumu, ey gözəl afət,
Günahkar edersen özün özünü.

Sən məni ataraq etdin pərişan,
Axır sövq elədin bir xəyanətə.
Ruhum bədənimi çıxardı yoldan,
Qurşandım ən çılğın eyşə - işrətə.

Adın çəkiləndə, can ataram mən
Baxım zəhmətimin gözəl barına.
Yazıq bir qul kimi durub yenidən
İstəyirəm düşüm ayaqlarına.

Sevən gah alçalar, gah da yüksələr,
Ağıl məhəbbətlə neyləyə bilər?!


Mənə etinasiz olsan bir zaman,
Tutulsa gunəşim, batsa ulduzum,
Mən özüm özümlə vuruşub hər an,
Sənin tərəfinə keçərəm quzum...

Nöqsanım özümə yaxşı bəllidir,
Yazaram haqqımda böyük hekayət.
Gizli nəyim varsa açaram bir bir,
Sən məni itirib taparsan şöhrət.

Şənin, ləyaqətin artar ilbəil,
Ziyana düşsəm də, gəlmərəm dilə,
Yüksələn, ikiqat yüksələrəm, bil.
Mənim məhəbbətim belədir, belə.

Təki sən haqlı ol, mən düşüb dərdə,
Bütün yalanlara olaram pərdə.

[fidan494]

Çox sağolun. Şeksprin Məhəbbət sonetasından sevdiyim bir bəndi qeyd etmək istərdim.

Məhəbbət öldü getdi deyilərkən cahanda,
O yenidən doğulur yer üzünə hər anda.
Bu ölümlü həyatda eşqlə dostluq eyləsən,
Ölüm özü ölər yaşarsan əbədi sən.

[Deli_UREK]

Necede gulmeli sozler...

[GLAMOURKA]

Necede gulmeli sozler...

Shekspir ne vaxtdan gulmeli yazib.

[Deli_UREK]

Sevən gah alçalar, gah da yüksələr,
Bu sozun ozu gulmeli deyil? Alcalan bir insan nece yukseler

Ağıl məhəbbətlə neyləyə bilər?!
Evvel goz gorur sora konul beyenir.Eleki ki,konul beyendi,ureyin ona mail oldu,konul ikinci defe onu gormek ister,Eger sen oz sehvetini ureyinin ixtiyarina versen,ureyi ise sehvete tabe etsen,sonro o insan yene gormek ucun tedbir dusunmeye baslarsan.Gorus ikinci defe bas tutdusa konul iki qat meyl edir,qelb iki qat doyunmeye baslayir,insan ucuncu gorus esqine dusur.Ele ki,ucuncu defe kordun,Ehvalati acib soyledin,soz deyib soz estdin , IS BITTDI!
Cuvali Suya Verdin Itde Getdi Ipde Getdi.!

[Kralica_]