Ömer Xeyyam

**GLAMOURKA** · 12-31-2009, 03:05 AM

Əlimdə olsaydı əgər iqtidar,

Bu köhnə fələyi yerindən yıxar.

Yerində elə bir cahan qurardım

Ki, hamı yaşardı azad, bəxtiyar.

-------------------------------------

Bu iki qapılı dünya ki, vardır.

Qəm çəkən, can verən insana dardır.

Anadan olmayan hətta bir nəfəs,

Həyat sürməyənlər nə bəxtiyardır.

**Damla1** · 12-31-2009, 10:10 AM

Ömər Xəyyam

Görünür mən kimi olmuş bu da bir aşiqi-zar,
Bağlamışdır onu zəncirinə bir zülfi-nigar.
Gördüyün qulpu çamur parçası zənn etmə, saqın,
Bir gözəl boynuna keçmiş qola çox bənzəri var!
***
Kiminin fikrinə hakim görünür məzhəbü din,
Kiminin saplanaraq qaldığı hər şəkkü yəqin,
Ansızın bir də baxırsın ki, çıxar bir nadi
Bağırır: "Hey, nə odur yol, nə bu, qafil, miskin".
***
O saraylar ki, buludlarla öpüşməkdə bu gün,
Üz sürərlərdi keçən şahlar onun xakinə dün.
İştə gördüm, qonaraq bürcümə bu qumru ötər,
Sanki der: "Hey gidi, hey! Nerde o gün? Nerde o gün?"
***
Bir böyük quş qonaraq bürcünə gördüm Yusun
Süzərək kəlləsini pəncədə Keykavusun,
Sanki söylərdi: "Hanı dünkü o həşmət, o cəlal?
Hanı keçmişdəki avazeyi-təblü kusun?"

Dünən meyxanada mən bir qocadan
Soruşdum ki: "Gedib bu qədər insan,
Onlardan xəbər ver". Dedi: "Şərab iç!
Gedənlər qayıtmaz bir də heç zaman".

**Damla1** · 12-31-2009, 10:11 AM

İnsana daima qəm verir fələk,
Bir qursa, birini dağıtsın gərək.
Dünyaya gəlməyən bilsə, gələnlər
Nə çəkir, gəlməkçün bəsləməz dilək.
***
Dünən bir bazarda gördüm kuzəgər,
Çamırı təpiklə yoğurub əzər.
Çamır kuzəgərə dedi: "Yaxşı bax,
Mən də sənin kimi deyildim məgər?"
***
Bu fələk ki bizi hərlədir hər an,
Seçilməz sehrbaz fanuslarından.
Günəş çırağıdır, dünya fənəri,
Bizsə şəkil kimi içində heyran.
***
Biz qəflət toruna düşmüş bir quşuq,
Dünyanın dərdindən cana doymuşuq.
Nə gəlmək arzumuz olub, nə getmək
Bu damsız, qapısız yerə uymuşuq.

Ömər Xəyyam