hemise seni desti xettimden tanimisam, indide fikrim meni yaniltmadi
Mən ki, sən deyiləm...
Unutmadı gözlərini gözlərim,
Mənim gözüm, sənin gözün deyil ki,
O yerləri naxışlayır izlərim,
Mənim izim, sənin izin deyil ki...
Yalanlara öyrətmədim dilimi,
Mənim dilim, sənin dilin deyil ki,
Hər yetənə uzatmadım əlimi,
Mənim əlim, sənin əlin deyil ki...
Uçub getdin, sazaq düşdü könlümə,
Mənim qəlbim, sənin qəlbin deyil ki,
Sən gülüşçün yaranıbsan, inləmə,
Mənim qəmim, sənin qəmin deyil ki...
Sən qaraltdın, mən ağartdım saçımı,
Mənim saçım, sənin saçın deyil ki,
Eşidənlər bağışlayır suçumu,
Mənim suçum, sənin suçun deyil ki...
Yerə düşdü, odlu sözüm közərdi,
Mənim sözüm, sənin sözün deyil ki,
Qarşılaşdıq, dil susdu, üz qızardı,
Mənim üzüm, sənin üzün deyil ki...
Sən yolunu dəyişdirdin bir səhər,
Mənim yolum, sənin yolun deyil ki,
Bu hicrana dözəcəyəm birtəhər,
Dözəcəyəm, hicran ölüm deyil ki !..
Nüsrət Kəsəmənli
Good Bye My Lover Good Bye My Friend
hemise seni desti xettimden tanimisam, indide fikrim meni yaniltmadi
Yer imleri