Qürur.
24.02.2004


Mənim mənliyimdən doğulan qürur,
Mənim özümdəndə yükdəkdə durur.
Bu necə baş verir bilmirəm hələ,
Doğan doğulanın yolunu tutur.

Əyilmə heç kimə qürurla yaşa,
Heç möhtac olmasın qardaş qardaşa,
Həyatda öz yerin, öz səviyyən var,
Talehin əlində cırpınma boşa.

Ehtiyac sözünü dilinə alma,
Heç kəsin yanında kölgədə qalma,
Bu həyat mərdlərin döyüş meydanı,
Çalış bu döyüşdə sən məğlub olma.

Şux yeri qamətin əyilməz olsun,
Kişi ol, xətrinə dəyilməz olsun,
Sınıxma ehtiyyac içində heç vaxt,
Qoy sənin vüqarın yelinməz olsun.

Həyat gah çətindi, gah da ki, asan,
Bir üzü gerçəkdi, bir üzü yalan,
Dəmir iradəli dürüst insanlar,
Layiqli yaşayar dünyada inan.

Ay dostlar inanın mənim qiymətim,
Özgə bir şeydə yox mənliyimdədir.
Sabahkı kədərim, sabahkı qəmim,
Bu günkü toyumda şənliyimdədir.

Zamanın sınağı boşdur mənimçün,
Səddləri adlamaq qədərimdəndir.
Ey fələk selləri çoşdur mənimçün,
Səninlə döyüşmək hünərimdəndir.



Gördüm...
10.03.2004


Yazıram gördüyümü, yazıram duyduğumu,
Hisslərimlə yaşayıb, könlümə uyduğumu,
Fələk gör nələr sayır, bilməyir saydığımı,
İgidləri ağlayan, namərdləri şən gördüm,
Haqqlarla nahaqqları yaşadıqca mən gördüm.

Bir an baxdım dünyaya, baxdım keçdiyi dərsə,
Hər işi, hər əməli gördüm düz deyil tərsə,
Bu gedişlə qardaşım çıxmaz heç nə düz ərsə,
Zəhmətkeşin barına harınları tən gördüm,
Bülbülü viranədə qanqala ötən gördüm.

Ərənlər körpü salıb, namərdlərə yol açdı,
Həqiqətlər kölgədə, yalanlar şölə saçdı,
İgidlər iş görəndə, müxənnət isdən qaçdı,
Yaxşıları dünyada çox dərdli gəzən gördüm,
Güclülər zəifləri tapdayıb əzən gördüm.

Oğrular azad gəzib, doğrular dustaq oldu,
İnsan yaddan yapışıb, doğmadan uzaq oldu,
Ara vuran dil-dodaq bir yala yaltaq oldu,
Küləkləri hər səmtə, hər yönə əsən gördüm,
Qardaş qardaş başını pul üstə kəsən gördüm.

Nakişilər namusdan danışıb yorulmadı,
Bulandıqca bulandı sular heç durulmadı,
Şər söyləyən ağızlar xeyirlə yumulmadı,
Bircə anda hörməti nifrətə dönən gördüm,
Parlayan ulduzları sayrışıb sönən gördüm.

İllərin xəstələri ölməyib yaşadılar,
Sağlam, gənc insanları məzara daşıdılar,
Həyat, ömür düyərək dünyanı qaşıdılar,
Xəstələri yaşayan, sağlamı ölən gördüm,
Doğulanı ağlayan, öləni gülən gördüm.