Gərək biləsən...
Könül qırma ey insan,
Özün yaxşı bilirsən,
Könül incidənləri
Ömür sevməz, görürsən.
Göz yaşı gətirmə ki,
Səndə bulud olarsan.
Dolub-boşalıb sonda,
Yağış kimi yağarsan.
Ucuz tutma dostunu,
Bil ki qiymətlidir o.
Əymə insan övladın,
Sənin gərəyindi o.
Üzünə gülməz heç vaxt,
İncitdiyin insanlar.
Pislik elə sənindir,
Özün üçün gəl apar.
Uzaq durma eşqindən,
Yad əllərdə solarsan.
Sevdana dönük ikən,
Ürəklərdən qoparsan.
Unutsan yaxşılığı,
Gözün kor olar sonda.
Bil ki heçdi ömür də,
Unudub yaşamaq da.
Sən gülərüz ol yetər,
Nə çıxacaq acıdan.
Zülməti kimsə sevməz,
İşıq istə sabahdan.
Yer imleri