Artiq yeter zamandir,at qolundan zənciri
Birləş Azərbaycanım! Birləş Azərbaycanım!
Haqqını tələb eylə çəkinmə bir kimsədən
Öz yolunda mərd dayan güləş Azərbaycanım
Birləş Azərbaycanım!
Birləşəndə sən daha əzəmətli olursan
Savalan,Şahdağ tək mətanətli olursan,
Od,alovdan da isti hərarətli olursan,
Odlar yurdu diyarım Günəş Azərbaycanım
Birləş Azərbaycanım!
Azadlıq mənim haqqım bu cinayətdir denən!
Haçandan görünübdür bu qabəhətdir denən!
Azad ol! azad yaşa bu şücaətdir denən!
Azadliğin dadina öyrəş Azərbaycanım
Birləş Azərbaycanım!
Bu günkü məğlubiyyət gələcəyə təməldir
Bir an azad yaşamaq söyləyiblər məsəldir
Min dəfə milyon dəfə köləlikdən gözəldir
Gələcəyin naminə çalış Azərbaycanım!
Birləş Azərbaycanım!
Yer imleri