4 sonuçtan 1 ile 4 arası

Azərbaycan - Səməd Vurğun

  1. #1
    Moderator
    Üyelik tarihi
    Feb 2007
    Mesajlar
    6.163

    Azərbaycan - Səməd Vurğun

    Azərbaycan - Səməd Vurğun

    [youtube]http://www.youtube.com/watch?v=DenFGgWQhz8[/youtube]
    [
    Ya da
    [

  2. #2
    Moderator
    Üyelik tarihi
    Feb 2007
    Mesajlar
    6.163
    Azərbaycan

    Çox keçmişəm bu dağlardan,
    Durna gözlü bulaqlardan;
    Eşitmişəm uzaqlardan
    Sakit axan arazları;
    Sınamışam dostu, yarı...

    El bilir ki, sən mənimsən,
    Yurdum, yuvam, məskənimsən,
    Anam, doğma vətənimsən!
    Ayrılarmı könül candan?
    Azərbaycan, Azərbaycan!

    Mən bir uşaq, sən bir ana,
    Odur ki, bağlıyam sana,
    Hankı səmtə, hankı yana
    Hey uçsam da yuvam sənsən,
    Elim, günüm, obam sənsən!

    Fəqət səndən gen düşəndə,
    Ayrılıq məndən düşəndə,
    Saçlarıma dən düşəndə
    Boğar aylar, illər məni,
    Qınamasın ellər məni.

    Dağlarının başı qardır,
    Ağ örpəyin buludlardır.
    Böyük bir keçmişin vardır;
    Bilinməyir yaşın sənin,
    Nələr çəkmiş başın sənin.

    Düşdün uğursuz dillərə,
    Nəhs aylara, nəhs illərə,
    Nəsillərdən-nəsillərə
    Keçən bir şöhrətin vardır;
    Oğlun, qızın bəxtiyardır...

    Hey baxıram bu düzlərə,
    Alagözlü gündüzlərə,
    Qara xallı ağ üzlərə
    Könül istər şer yaza;
    Gəncləşirəm yaza-yaza...

    Bir tərəfin bəhri-Xəzər,
    Yaşılbaş sonalar gəzər;
    Xəyalım dolaşar gəzər
    Gah Muğanı, gah Eldarı.
    Mənzil uzaq, ömür yarı!

    Sıra dağlar, gen dərələr,
    Ürək açan mənzərələr...
    Ceyran qaçar, cüyür mələr,
    Nə çoxdur oylağın sənin!
    Aranın, yaylağın sənin.

    Keç bu dağdan, bu arandan,
    Astaradan, Lənkərandan.
    Afrikadan, Hindistandan
    Qonaq gəlir bizə quşlar,
    Zülm əlindən qurtulmuşlar...

    Bu yerlərdə limon sarı,
    Əyir, salır budaqları;
    Dağlarının dümağ qarı
    Yaranmışdır qarlı qışdan
    Bir səngərdir yaranışdan.

    Lənkəranın gülü rəng-rəng,
    Yurdumuzun qızları tək.
    Dəmlə çayı tök ver görək
    Anamın dilbər gəlini!
    Yadlara açma əlini.

    Sarı sünbül bizim çörək,
    Pambığımız çiçək-çiçək.
    Hər üzümdən bir şirə çək
    Səhər-səhər acqarına,
    Qüvvət olsun qollarına.

    Min Qazaxda köhlən ata,
    Yalmanına yata-yata,
    At qan-tərə bata-bata,
    Göy yaylaqlar belinə qalx,
    Kəpəz dağdan Göy gölə bax!

    Ey azad gün, azad insan,
    Doyunca iç bu bahardan!
    Bizim xallı xalçalardan
    Sər çinarlar kölgəsinə,
    Alqış günəş ölkəsinə!

    Könlüm keçir Qarabağdan,
    Gah bu dağdan, gah o dağdan.
    Axşamüstü qoy uzaqdan
    Havalansın Xanın1 səsi,
    Qarabağın şikəstəsi.

    Gözəl vətən! Mənan dərin,
    Beşiyisən gözəllərin!
    Aşıq deyər sərin-sərin,
    Sən günəşin qucağısan,
    Şer, sənət ocağısan.

    Ölməz könül, ölməz əsər,
    Nizamilər, Füzulilər!
    Əlin qələm, sinən dəftər,
    De gəlsin hər nəyin vardır,
    Deyilən söz yadigardır.

    Bir dön bizim Bakıya bax,
    Sahilləri çıraq-çıraq,
    Buruqları hayqıraraq
    Nərə salır boz çöllərə,
    İşıqlanır hər dağ, dərə!

    Nazlandıqca sərin külək,
    Sahillərə sinə gərək.
    Bizim Bakı -- bizim ürək!
    İşıqdadır qüvvət sözü,
    Səhərlərin ülkər gözü.

    Gözəl vətən! O gün ki sən
    Al bayraqlı bir səhərdən
    İlham aldın... yarandım mən.
    Gülür torpaq, gülür insan,
    Qoca Şərqin qapısısan!
    [
    Ya da
    [

  3. #3
    Senior Member
    Üyelik tarihi
    Oct 2007
    Yer
    Sankt-Peterburq, Rusiya..Azəriyəm
    Mesajlar
    845
    Ehh..eh... Sağ olasan ay Elif..
    [

  4. #4
    Moderator
    Üyelik tarihi
    Feb 2007
    Mesajlar
    6.163
    Alıntı Anel Nickli Üyeden Alıntı
    Ehh..eh... Sağ olasan ay Elif..
    Sen de sağol Anel
    [
    Ya da
    [

Yer imleri

Yetkileriniz

  • Konu Acma Yetkiniz Yok
  • Cevap Yazma Yetkiniz Yok
  • Eklenti Yükleme Yetkiniz Yok
  • Mesajınızı Değiştirme Yetkiniz Yok
  •  

Search Engine Optimization by vBSEO 3.6.1 ©2011, Crawlability, Inc.