Böyük Britaniyanın «Warranty Direct» tədqiqat agentliyi ən etibarlı avtomobillərin siyahısını dərc edib. Siyahıya əsasən, ilk üçlükdə Yaponiya istehsalı olan avtomobillər qərarlaşıb. Belə ki, reytinqdə «Suzuki» - birinci, «Honda» - ikinci, «Mazda» isə – üçüncü yerə layiq görülüb. Reytinqin dördüncü yerində də həmçinin Yaponiya istehsalı olan avtomobil qərarlaşıb ki, bu da «Toyota» olub.
Siyahıda ən aşağı etibarlılıq reytinqinə isə ABŞ-ın «Jeep»inə məxsusdur. Belə ki, «Jeep» avtoservislərdə təmirlərdən tez-tez keçir, bununla yanaşı «Jeep»in təmiri də digər avtomobillərlə müqayisədə baha başa gəlir.
Reytinq avtomobillərin nə qədər tez sıradan çıxması, həmin nasazlığın aradan qaldırılması müddəti və bu kimi amillərə əsasən avtomobil sürücüləri arasında aparılan sorğunun nəticələri əsasında tərtib olunub.
Bundan başqa, reytinqin aşağı pillələrində «Porsche», «Land Rover», «Chrysler», «Jaguar» və «Audi» kimi avtomobillər də yer alıb.
Yer imleri